Դասի պլան /6 դասարան/
Դասի թեման – Արտաշեսյան թագավորության կազմավորումը
Թեմայի նպատակներն ու խնդիրները
ա/Պարզաբանել Մագնեսիայի ճակատամարտից հետո Մերձավոր Արևելքում ստեղծված իրավիճակը:
բ/Բնութագրել Արտաշեսին, Զարեհին և Միհրդատ Երվանդականին որպես նորաստեղծ հայկական պետությունների ղեկավարներ:
գ/Բացատրել չորս հայկական պետությունների` Մեծ Հայքի, Փոքր Հայքի, Ծոփքի և Կոմմագենեի թագավորությունների կազմավորման դրական և բացասական գործոնները:
դ/Քննարկել Արտաշես I-ի կողմից հայկական հողերի միավորման քաղաքականությունը:
ե/ Վերլուծել Արտաշես I-ի արտաքին քաղաքականությունը:
Դասի տիպը - Նոր նյութի ուսումնասիրում, քննարկում, գործնական աշխատանք, կարողությունների ու հմտությունների մշակում:
Մեթոդներ, հնարներ-ԽԻԿ համակարգ, աշխատանք քարտեզի վրա, զրույց, աշխատանք դասագրքի հետ, սլայդների դիտում Սմարթ գրատախտակին:
Դասի կահավորումը - Քարտեզ «Հայաստանը Արտաշես I-ի օրոք», SMART էլեկտրոնային գրատախտակ, Գրատախտակ, գունավոր կավիճներ:
Միջառարկայական կապ – համաշխարհային պատմություն
Նոր բառեր ու բառակապակցություններ - Մագնեսիայի ճակատամարտ, Արտաշես, Զարեհ, Միհրդատ Երվանդական, Արտաշեսյան թագավորություն, չորս հայկական պետություններ`Մեծ Հայք, Փոքր Հայք, Ծոփք և Կոմմագենե, «Հայաստանի մեծագույն մասի կառավարիչ»:
Դասի հանգուցային հարցերը -
ա/Մագնեսիայի ճակատամարտի հետևանքները տարածաշրջանի և հայկական պետությունների վրա:
բ/Հայկական թագավորությունների կազմավորման գործընթացը:
գ/Արտաշես I-ի գործունեությունը հայկական հողերի միավորման ուղղությամբ:
դ/Հռոմեական գործոնը փոփոխված տարածաշրջանային գործընթացներում:
ե/Արտաշես I-ի վարած արտաքին քաղաքականությունն ու հակասելևկյան մարտավարությունը:
Կարողությունների ու հմտությունների ձևավորում-
ա/Աշակերտը պետք է կարողանա պարզաբանել միջազգային իրադարձությունների ազդեցությունը հայկական պետությունների վրա և դրանց անկախացման գործընթացը:
բ/Կարողանա ցույց տալ Հռոմը, Սելևկյան տերությունը և հայկական պետությունները քարտեզի վրա:
գ/Նկարագրի հայկական հողերի միավորումը Արտաշես I-ի կողմից, նշի դրանք և ցույց տա քարտեզի վրա:
դ/Մեկնաբանի Արտաշես I-ի վարած արտաքին քաղաքականությունը և դրա հեռահար նպատակները:
Դասի ընթացքը- Խթանում(7 րոպե): Հարցնել. Ալեքսանդր Մակեդոնացու մահից հետո ի՞նչ մասերի բաժանվեց նրա աշխարհակալությունը, ո՞րն էր դրանցից սահմանակից հայկական պետություններին և ի՞նչ սպառնալիք էր ներկայացնում այն, ինչի՞ շնորհիվ էին հայկական թագավորությունները դիմակայում նրան, Ք.ա. III դարում հայկական ի՞նչ թագավորություններ կաին և ո՞րն էր դրանց անկման պատճառը:
Իմաստի ընկալում -(27 րոպե) Հարցերի պատասխաններից հետո դասարանը բաժանել երեք խմբի, հանձնարարել.
Ա խումբ. Հայկական թագավորությունների անկախացումը,
Բ խումբ. Արտաշես I-ը և հայկական հողերի միավորումը,
Գ խումբ. Արտաշես I-ի արտաքին քաղաքականությունը:
Խմբերն ընտրում են իրենց խոսնակ և սկսում են ուսումնասիրել իրենց թեման: Խմբի անդամները անհրաժեշտ գրառումներ են անում իրենց մոտ և միաժամանակ իրենց թեմայից պատրաստում են հարցեր այլ թիմերի տալու համար: Թեման ուսումնասիրելուց հետո խմբի խոսնակը Սմարթ գրատախտակի օգնությամբ (թեմային համապատասխան անիմացիաներով, քարտեզներով ու նկարներով) ներկայացնում է իր խմբի թեման, ավարտելուց հետո խմբի երկու անդամներ պատրաստած հարցերն ուղղում խմբերին, լսում են ճիշտ պատասխանը կամ ուղղում սխալը:
Կշռադատում- (9 րոպե): Հարցերով և Սմարթ գրատախտակի նյութերով ստուգել թե ինչ սովորեցին աշակերտները, պասիվ աշակերտներին հրավիրել էլ. քարտեզի մոտ հարցեր տալ, անհրաժեշտության դեպքում թեման յուրացրած աշակերտների օգնությամբ ստանալ հարցի պատասխանը:
ա/Ի՞նչ նշանակություն ունեցավ Մագնեսիայի ճակատամարտը հայկական պետությունների համար:
բ/Ո՞վքեր վերականգնեցին Մեծ Հայքի, Փոքր Հայքի, Ծոփքի և Կոմմագենեի անկախ թագավորությունները:
գ/Ո՞ր երկրներից Արտաշես I-ը վերադարձրեց հայկական երկրամասերը և ինչու՞ էր հողերի վերամիավորումը համարվում կարևոր խնդիր:
դ/Ինչու՞է հույն պատմիչ Պոլիբիոսը Արտաշես I-ին անվանում «Հայաստանի մեծագույն մասի կառավարիչ»:
ե/Արտաքին քաղաքականության մեջ ի՞նչ ձեռբերումներ ունեցավ Արտաշես I-ինը և ինչ հեռահար նպատակներ ուներ նա:
Հանձնարարել տնային աշխատանք` տետրում գրել, սովորել կարևոր թվականներն ու անվանումները, ուսումնասիրել «Հայաստանը Արտաշես I-ի օրոք» քարտեզը: Գնահատել:
Լրացուցիչ պարզաբանումներ(2 րոպե). Պատասխանել աշակերտներին հետաքրքրող հարցերին, տալ հարցեր:
Ս . Հովսեփյան.