Жылуулук кубулуштары - 2

Катуу нерсенин созулуу диаграммасынын кайсы чекитинде материал үзүлөт?

Узундугу 6 м, туура кесилиш аянты 0,9 мм² болгон жез стерженге, аны чоюучу      36 Н күч аракет этет. Стержендин абсолюттук узарышы кандай? Жездин серпилгичтүүлүк модулу \(12\cdot10^{10}\)  Па. Жообун мм менен бергиле.

Бийиктиги 5 м болгон тактай дубалдын негизинде кандай механикалык чыңалуу пайда болот? Тактайдын тыгыздыгы 800 кг/м³. Жообун кПа менен бергиле.

Узундугу 2 м, туура кесилиш аянты 0,4 мм² болгон болот зымын 8 мм ге  узартыш үчүн анын бир учуна кандай күч жумшаш керек? Болоттун серпилгичтүүлүк модулу     \(2\cdot10^{11}\) Па.

Туура кесилиш аянты 0,2 мм² болгон алюминий зымдын учуна 35 Н күч жумшаса, зым 5 мм ге узарат. Зымдын баштапкы узундугу кандай болгон? Алюминийдин серпилгичтүү модулу  \(7\cdot10^{10}\) Па.

Ысытуу учурунда зат катуу абалынан суюк абалга, андан соң газ абалына өтөт. Графикте заттын температурасынын убакыттан болгон көз карандылыгы берилген. Графиктин кайсы бөлүгү заттын эрүү процессине туура келет.

Кайсы формула механикалык чыңалуу үчүн Гуктун законун туюнтат?

Аморфтук заттардан монокристалл кайсы касиети менен айырмаланат?

Температурасы 0⁰С болгон муздун сыныгы, тоскоолдука урунуп, толугу менен эрип кетиши үчүн, кандай ылдамдык менен учушу керек? Муздун толук механикалык энергиясы анын ички энергиясына өтөт. Муздун салыштырма эрүү жылуулугу   320 кДж/кг.

Массасы 10 г болгон ок 660 м/с ылдамдык менен учуп келип, температурасы 0⁰С музга урунуп анда калат. Эгерде октун энергиясынын 50% муздун эришине сарпталса, канча грамм муз эриген? Муздун салыштырма эрүү жылуулугу 330 кДж/кг.

1524 кДж   жылуулук санын алган, массасы  2 кг алюминийдин жарымы эриди. Алюминийдин баштапкы температурасы  кандай болгон? Алюминийдин салыштырма жылуулук сыйымдуулугу 880 Дж/кг⁰С, эрүүнүн салыштырма жылуулугу 380 кДж/кг, эрүү температурасы 660⁰С.