Жарык кванттары - 2

Эгер электрондун алтындан чыгуу жумушу  4,6 эВ, ал эми хлордуу натрий үчүн -  4.2 эВ болсо, алтындагы  λ₁  фотоэффектин кызыл чегин хлордуу натрийдеги  λ₂   кызыл чек менен салыштыргыла.

Энергиясы 2,5 эВ   болгон жарыктын квантынын жыштыгын аныкта      (h=6,63 ∙ 10^-34Дж ∙ с).

5 эВ энергияга ээ болгон фотон кандайдыр бир металлдын бетине келип түшөт. Бул учурда бөлүнүп чыккан электрондун максималдык кинетикалык энергиясы 1,5 эВ. Бул металлда фотоэффект кубулушун пайда кылуу үчүн ага түшкөн фотондун минималдык  энергиясы канча болушу керек?

Калийден электрондордун чыгуу жумушу ≈2 эВ. Эгерде калийдин бетин толкун узундугу 400 нм болгон нурлар менен жарыктантсак, андан учуп чыккан фотоэлектрондун максималдык кинетикалык энергиясы канчага барабар болот?

Электрондун  кадмийден чыгуу жумушу 4 эВ ко барабар. Фотоэффектте фотоэлектрондордун максималдуу ылдамдыгы 2 ∙ 10⁶ м/с болсун үчүн  кадмийди жарыктандырган нурлардын толкун узундугу канча болуш керек?

Кайсы бир металл үчүн  фотоэффектин кызыл чеги ν ₀ = 3 ∙ 10¹⁴ Гц ке барабар. Бул металлды жыштыктары     ν ₁ = 4 ∙ 10¹⁴ Гц    жана              ν ₂ = 5 ∙ 10¹⁴  Гц болгон жарык нурлары менен жарыктандырышкан.       ν ₁  жана ν ₂  жыштыктагы нурлардын таасири астында жулунган фотоэлектрондордун кинетикалык энергияларын салыштыргыла.