Турактуу электр тогунун закондору - 1

Электр тогу өтүп жаткан өткөргүчтүн ички энергиясы өзгөрөбү?

Эгерде t = 20 с убакыт ичинде өткөргүчтүн туура кесилиши аркылуу 200 Кл заряд агып өтсө, анда бул кесилиштин аянтын тапкыла. Токтун тыгыздыгы j = 2 МА/м² барабар. Жообун мм² менен бергиле.

Эгерде лампочка күйүп кетсе вольтметрдин көрсөтүүсү өзгөрөбү?

Өткөргүчтүн кесиндисин тең экиге бөлүп, кесиндилерди жарыш туташтырышты. Бул учурда өткөргүчтүн каршылыгы ....

Сүрөттөгү вольтметрлердин кайсынысы чоң чыңалууну көрсөтөт?

Электр чынжыры ички каршылыгы 2 Ом болгон ток булагынан жана каршылыгы 12 Ом болгон керектөөчүдөн түзүлгөн. Ток булагынын ЭКК канчага барабар? Чынжырдагы ток күчү 6А.

Каршылыгы 1 Ом болгон өткөргүчтү узунунан 3 эсеге чоюшту. Анын каршылыгы ... барабар болуп калды.

R₁ = 2 Ом жана R₂ = 4 Ом каршылыктары өз ара жарыш туташтырылган. Эгерде чыңалууну турактуу кармап, бул өткөргүчтөрдү өз ара удаалаш туташтырсак, анда участоктогу токтун күчү кандай өзгөрөт?

Жез өткөргүчүнүн 15⁰ С температурадагы каршылыгы 10 Ом го барабар. Ток өткөргөндөн кийин анын каршылыгы 1,2 эсеге чоңойду. Өткөргүч кандай температурага чейин ысыды? (жез үчүн каршылыктын температуралык коэффициенти  \(\alpha=4,15\cdot10^{-3}\ С^{-1}\ ,\ \ \) , жездин салыштырма каршылыгы  \(\rho=1,7\cdot10^{-8}\ Ом\cdotм\) )

Эгерде темир өткөргүчүнүн температурасын 20⁰ С ден 200⁰ С ге чейин жогорулатсак, анда өткөргүчтөгү токтун күчү канча эсеге азаят? (темир үчүн каршылыктын температуралык коэффициенти  \(\alpha=6\cdot10^{-3}\ С^{-1}\ ,\)  темирдин салыштырма каршылыгы  \(\rho=8,7\cdot10^{-8}\ Ом\cdotм\) )

Эгерде жез өткөргүчүнүн температурасын 80⁰ градуска жогорулатсак, анда анын каршылыгы канчага өзгөрөт? Өткөргүчтүн  0⁰С температурасындагы каршылыгы 100 Ом. (жез үчүн каршылыктын температуралык коэффициенти  \(\alpha=4,15\cdot10^{-3}\ С^{-1}\ ,\)  жездин салыштырма каршылыгы  \(\rho=1,7\cdot10^{-8}\ Ом\cdotм\) )

Биринчи жана экинчи вольтметрдин көрсөтүүсү, тиешелүү түрдө, 1,5 жана 3 В. Чынжырдагы ток күчү  0,5 А. Эгерде реостаттын ползуногун (жылуучу контагын) солго жылдырсак, приборлордун көрсөтүүсү кандай өзгөрөт? 

Эгерде туура кесилишинин аянты S=0,15 мм² болгон темир өткөргүчтүн ичиндеги электрондордун ар бирине электр талаасы тарабынан  \(F=5\cdot10^{-20}\ H\)   күчү таасир этсе, анда өткөргүчтөгү токтун күчүн тапкыла (темирдин салыштырма каршылыгы  \(\rho=8,7\cdot10^{-8}\ Ом\cdotм\) ).

Вольфрам зымдуу лампочканын 20⁰С температурадагы каршылыгы    2 Ом, кызыган учурдагысы 16,6 Ом. Лампанын зымынын температурасы кандай болот?    Вольфрам үчүн каршылыктын температуралык коэффициенти  \(\alpha=4,2\cdot10^{-3}\ град^{-1}\) .

Эгерде жез өткөргүчүнүн диаметри 1 мм, ал эми массасы 2 кг барабар болсо, анда бул өткөргүчтүн каршылыгын тапкыла.    Жездин тыгыздыгы 8600 кг/м³ (жездин салыштырма каршылыгы  \(\rho=1,7\cdot10^{-3}\ Ом\cdotм\) ).

Ток булагына туташтырылган вольтметр 100 В чыңалууну көрсөтөт. Эгерде чынжырга чоңдугу 500 Ом болгон кошумча каршылыкты туташтырсак (сүрөттү кара), анда вольметр 80 Вту көрсөтүп калат. Вольтметрдин ички каршылыгын тапкыла.

Эгерде темир зымынын каршылыгы 10 Ом, ал эми массасы 2 кг болсо, анда бул зымдын туура кесилишинин аянтын тапкыла. Темирдин тыгыздыгы 7900 кг/м³. Жообун мм² менен бергиле (темирдин салыштырма каршылыгы \(\rho=8,7\cdot10^{-8}\ Ом\cdotм\) ).