Термодинамика - 2

Көлөмү 20 л болгон жабык идиште бир атомдуу идеал газ жайгашкан. Газдын басымын 30 кПа га   чоңойтуш үчүн, ага кандай жылуулук санын бериш керек?

Спиртовкада сууну ысыткан учур үчүн термодинамиканын биринчи законун жазгыла.

Газга 53 Дж жылуулукту бергенде, анын ички энергиясы 38 Дж го көбөйдү. Газ кандай жумуш аткарат?

Топтун дубалга урунганга чейинки кинетикалык энергиясы 22 Дж,

урунгандан кийинкиси 18 Дж. Урунганда канча жылуулук бөлүнүп чыгат?

Массасы 4 кг болгон гелий 200 Дж жылуулукту алып  300 К температурада изотермалык шартта кеңейди. Анын ички энергиясы канчалык көбөйгөн?

Нерсе урунганда ысыйт, бул учур үчүн термодинамиканын биринчи законун жазгыла.

Массасы 4 кг болгон нерсенин температурасынын  ага берилген жылуулук санына жараша өзгөрүшүнүн графиги берилген. Бул  нерсенин салыштырма жылуулук сыйымдуулугун тапкыла.

Эгерде жаан тамчысынын потенциалдык энергиясынын 50% ы  анын ички  энергиясына өтсө, анда тамчынын температурасы 1⁰С га жогоруласын үчүн ал кандай бийиктиктен түшүш керек? Суунун салыштырма жылуулук сыйымдуулугу 4200 Дж/кг⁰С.

Ылдамдыгы 300 м/с болгон коргошун огу окоптун дубалына келип тийип, анда калат. Эгерде октун кинетикалык энергиясынын  26% ы анын ички энергиясына өтүп кетсе, ок канча градуска ысыган? Коргошундун салыштырма жылуулук сыйымдуулугу    130 Дж/кг⁰С.

Идеал газ А абалынан В абалына өттү. Газ кандай жумуш аткарган?

Массасы 52,5 кг болгон нерсенин кинетикалык энергиясынын жардамы менен      0,5 кг суунун температурасын 5⁰С ге  ысытыш үчүн, ал  нерсе кандай ылдамдык менен кыймылдашы керек? Суунун салыштырма жылуулук сыйымдуулугу 4200 Дж/кг⁰С.

Массасы 1 кг суутек 100 кДж жылуулукту алып изобаралык шартта  

20 К ге  ысытылган. Суутектин ички энергиясы канчалык көбөйгөн? Суутектин молдук массасы 0,002 кг/моль. Жообун кДж менен бергиле.

Температурасы 20⁰С ге барабар сууну, температурасы 90⁰С болгон суу менен аралаштырышты. Аралашманын температурасы 48⁰С. Муздак суунун массасынын ысык суунун массасына болгон катышын тапкыла?

500 К температурадагы бир атомдуу бир моль идеал газ изохоралык муздап, басымы 5 эсе азаят. Газ кандай жылуулук санын жоготкон?