Молекулалык физика - 3

Эгерде газдын абсолюттук температурасы 16 эсе көбөйсө, анын молекулаларынын орточо квадраттык ылдамдыгы канча эсе өсөт?

Бир газдын молдук массасы  экинчи газдыкынан 9 эсе көп. Эгерде температуралары бирдей болсо, анда бул газдардын молекулаларынын орточо квадраттык ылдамдыктары бири-биринен канча эсе айырмаланышат?

Газдын молекулаларынын орточо квадраттык ылдамдыгы 200 м/с. Эгерде газдын температурасын 9 эсе жогорулатса, анын молекулаларынын ылдамдыгы кандай болуп калат?

Эгерде идеал газдын молекулаларынын концентрациясы 3 эсе көбөйсө, ал эми молекулаларынын орточо квадраттык ылдамдыгы өзгөрүүсүз калса, газдын басымы кандай өзгөрөт?

Берилген температурада кычкылтектин молекулаларынын орточо квадраттык ылдамдыгы 100 м/с болсо, ушул эле температурада суутектин молекулаларынын орточо квадраттык ылдамдыгы канчага барабар? Суутектин молдук массасы 0,002 кг/моль, ал эми кычкылтектики -   0,032 кг/моль.

Газдын баштапкы температурасы 27⁰С. Эгерде газды ысыткандан кийин анын молекулаларынын орточо кинетикалык энергиясы 3 эсе көбөйсө, газдын температурасы канчалык жогорулаган?

Суутектин молекулаларынын орточо квадраттык ылдамдыгы 2000 м/с болсо, абсолюттук температурасы кандай? Суутектин молдук массасы     0,002 кг/моль.

Эгерде газдын тыгыздыгы 1,5 кг/м³, ал эми молекулаларынын орточо квадраттык ылдамдыгы 300 м/с болсо, ал газ кандай басым көрсөтөт? Жообун кПа менен бергиле.

Газдын молекулаларынын орточо квадраттык ылдамдыгы 500 м/с, ал эми басымы 100 кПа. Бул газдын тыгыздыгы кандай?

Массасы 10 г болгон газ 27 л көлөмдү ээлейт. Эгерде анын басымы   100 кПа болсо, молекулаларынын орточо квадраттык ылдамдыгы кандай?