Молекулалык физика - 2

Сүрөттө эки молекуланын өз ара аракеттенишүү күчүнүн алардын арасындагы аралыктан болгон көз карандылыгы көрсөтүлгөн. Кайсы аралыктарда молекулалардын  өз ара тартышуу күчү артыкчылыкка ээ болот көрсөт?  

Кычкылтектин жана суутектин молекулаларынын концентрациясы жана орточо квадраттык ылдамдыгы бирдей болсо, кычкылтектин басымы суутектин басымынан канча эсе чоң?

1 см³  көлөмдөгү молекулаларынын саны  \(6\cdot10^{18}\) даана, ал эми молекулаларынын орточо квадраттык ылдамдыгы 3000 м/с болгон суутек идиштин бетине кандай басым жасайт? Суутектин молдук массасы          0,002 кг/моль. Жообун кПа менен бергиле.

Массасы 5 кг болгон газ 100 кПа басым жасайт. Эгерде анын молекулаларынын орточо квадраттык ылдамдыгы 600 м/с болсо, бул газ кандай көлөмгө ээ?

Газдын молекулаларынын алга умтулуу кыймылынын орточо кинетикалык энергиясы  \(\overline{E}=1,6\cdot10^{-19}\) Дж болсо,   анын температурасы эмнеге барабар?

Цельсий шкаласындагы  -53⁰, абсолюттук температуранын кайсы маанисине туура келет?

Газдын молекулаларынын орточо кинетикалык энергиясы

\(4,14\cdot10^{-21}\)  Дж.      Газдын абсолюттук температурасы кандай?

Бөлмөдөгү абанын салыштырма нымдуулугу 100%. Кургак термометрдин  Т₁ жана нымдуу термометрдин  Т₂ көрсөтүүлөрү үчүн төмөнкү катыштардын кайсынысы аткарылат?

Көлөмү 1 л колбада температурасы 200 К, басымы \(2,76\cdot10^{-8}\)  Па болгон газ жайгашкан. Колбада газдын канча даана молекуласы бар?

Идиште 414 кПа басым жасаган газдын молекулаларынын концентрациясы 10²⁶ м^-3. Бул газдын абсолюттук температурасы кандай?

Көлөмү 5 л цилиндрде газдын 10²³ даана молекуласы бар. Эгерде газдын басымы   \(2,76\cdot10^5\)  Па болсо, анын абсолюттук температурасы кандай?

Көлөмү 5,52 л баллондо температурасы 400 К болгон газ жайгашкан. Баллондогу жылчыктан 10²² даана молекула чыгып кетет. Эгерде газдын температурасы өзгөрбөгөн болсо, баллондогу газдын басымы канчага азайды? Жообун кПа менен бергиле.