Механикалык термелүүлөр жана толкундар - 2

Төмөнкү толкундардын кайсылары узатасына термелүүчү толкундар болушат?

Эгерде чөйрөнүн бөлүкчөлөрү толкундун таралуу багытына перпендикуляр багытта термелишсе, анда мындай толкундарды .... деп аташат.

Толкундун фазалык ылдамдыгы 1200 м/с, термелүү жыштыгы 300 Гц. Бул толкундун узундугун тапкыла.

Толкун 4 м/с ылдамдык менен таралат. Фазалардын айырмасы  \(\frac{\pi}{4}\)  болгон  эки чекиттин ортосундагы аралык 0,05 м ге барабар. Толкундун жыштыгын  жана термелүү мезгилин аныктагыла.

Эгерде жез түтүктүн бир учун уруудан пайда болгон үн экинчи учунда 0,9 с убакыт интервалы ичинде эки жолу угулса, жез түтүкчөнүн узундугун аныктагыла. Үндүн ылдамдыгы: абада - 340 м/с, жезде - 3400 м/с.

Деңиздеги толкундардын өркөчтөрүнүн  ортосундагы аралык 3 м. Катер толкунду утурлай кыймылдаганда 2 с ичинде толкун катердин корпусуна 10 жолу урунат, ал эми толкун менен бир багыттагы кыймылда болсо - 6 жолу урунат. Эгерде катердин ылдамдыгы толкундукунан чоң экени белгилүү болсо, катердин жана толкундун ылдамдыктарын тапкыла.

Эхолоттун жардамы менен деңиздин кеменин алдындагы тереңдигин өлчөө үчүн жиберилген ультраүн 1 с дан кийин кайра кабыл алынды. Деңиздин тереңдигин аныктагыла. Үндүн ылдамдыгын сууда 1400 м/с га барабар деп эсептегиле.

Адамда үндүк сезүүлөр 0,1 с га жакын сакталат. Негизги жана тоодон жаңырган үндөрдү бөлүп угуу үчүн адам тоодон кайсы аралыкта турушу керек? Үндүн абада таралуу ылдамдыгы 340 м/с.