Matematika paninen test

Ashrab birinshi kún kitaptıń 27 betin woqıdı. Wol yekinshi kúni kitaptıń birinshi kúnge qaraǵanda 3 márte kóp betin woqıdı. Wol yeki kúnde kitaptıń neshe betin woqıǵan?

Sayaxatshı birinshi kúni 12 km jol júrdi. Wol yekinshi kúni birinshi kúnge qaraǵanda 2 márte kóp, úshinshi kúni bolsa birinshi kúnge qaraǵanda 3  márte kóp jol bastı. Sayaxatshı 3 kúnde qansha aralıqtı basıp wótken?

Velosipedshi úyinen mánzilge 6 km/saat tezlik penen háreketlenip 4 saatta jetip keldi. Yeger wol qaytıwda 2 km/saatqa asırsa, úyine qansha waqıtta qaytıp baradı?

Birinshi úskenede 1 minutta 17, yekinshisinde bolsa 19 detalǵa islew beriw  múmkin. Yeger birinshi úskene 13 minut hám yekinshi úskene 15 minut isletilse, jámi neshe detalǵa islew beriledi?

Birinshi jumısshı bir kúnde 57, yekinshi jumısshı bolsa birinshi jumısshıdan 12 kem buyım tayarlaydı. Bul jumısshılar 5 kúnde neshe buyım tayarlaydı?

ABCúshmúyeshliktiń AB tárepi 36 mm hám wol  BC tárepinen 3 yese qısqa. Yeger úshmúyeshliktiń perimetri 225 mm bolsa, AC tárepiniń uzınlıǵın tabıń.

Zafardıń qarısiınıń uzınlıgı 16 sm. Uzınlıǵı 192 sm bolǵan arqan Zafardıń qarısı menen wólshense, neshe qarıs shıǵadı?

Batır kempir apasınıń 55 jaslıq yubeleyine gúldáste sawǵa yetiw ushın  gúl bazardan 55 dana gúl satıp aldı. Gúldáste ushın Batır satıwshıǵa  10 000 swm pul berdi. Satıwshı bolsa woǵan 100 swm qaytardı. Bir dana  gúldiń bahası qansha?

Qutıdaǵı 10 kg shay 150 g nan yetip qadaqlanadı. Qadaqlanǵannan soń qutıda qansha gramm shay qaldı?

Maryam bir san woyladı. Wonı 4 ke kóbeytip, kóbeymege 8 di qostı. Nátiyjede 60 payda bóldı. Maryam qanday sandı woylaǵan?

Yeki kúnde 2350 kg kartoshka terildi. Yekinshi kúni birinshi kúnge qaraǵanda 4 márte kóp kartoshka terildi. Birinshi kúni qansha  kartoshka terilgen?

Cifrlari qosindisi 6 ǵa hám kóbeymesi 4 ke teń bolǵan 3 qanalı sanlar neshew?

7 qatardıń hár birine 24 pomidor náli yegildi. Soń bul qatarlardıń hár birine jáne 8 qosımsha nál yegildi. Jámi neshe túp nál yegilgen?

Ali, Sali hám Vali táreziden wóz salmaqların wólshedi. Málim bolıwınsha,  Ali menen Saliniń awırlıǵı birgelikte 54 kg, Sali menen Valiniń awırlıǵı 58 kg hám Ali menen Váliniń awırlıǵı 56 kg yeken.  Úshewiniń jámi awırlıǵı qansha yekenligin tabıń.

Bolandiyada hár kúni jawin yamasa qurǵaq boladı. Úsh kún izbe-iz jawin bolmaydı hám izbe-iz úsh kún hesh qashan qurǵaq bolmaydı. Mudamı ekshembi hám dúyshembi kúni qurǵaq boladı hám piyshembi kúni mudamı jawin jawadı. Bolandiyada hár hápte neshe qurǵaq kún bar?