Получите свидетельство
Вход
№28 «Ақбай» жалпы орта мектеп
«Жақсылыққа жаным жақын...»
(жеке үйде оқитын оқушыларға арналған концерттік бағдарлама)
2017 жыл, 31 қаңтар
Мақсаты: Мектебіміздің жеке үйде оқитын оқушыларының көңіл-күйін көтеріп, мейірімділік таныту. «Қайырымдылық», «қамқорлық», «жақсылық» құндылықтары туралы түсініктерін кеңейту.
Міндеттері:
-Жақсылық жасаудың адами қарым-қатынастағы мәнділігін түсіндіру;
-Жақсы істер жасай білу іскерліктерін дамыту;
- Қайырымдылыққа, ізгілікке, қамқор болуға тәрбиелеу.
Көрнекілігі: қанатты сөздер, мазмұнды суреттер.
Концерттік бағдарламаның барысы:
Жүргізуші:
Армысыздар қымбатты қонақтар, ардақты ата-аналар, ұлағатты ұстаздар, оқушылар! Бүгінгі «Жақсылыққа жаным жақын...» атты мектебіміздің үйден оқитын оқушыларына арналған мерекелік кешімізге қош келдіңіздер! Қазақтың жақсы қасиеттерінің асылы – жомарттық, кең пейілділік. Ол адамға қызмет қылып, жақсылық жасауға пейілді жанға тән сипат.
Ендеше, Жақсы сөз, жақсы тілекті,
Болайық ізгі ниетті ,
Жақсылық ойлап кісіге,
Тілейік үлкен- кішіге дей келе, алғашқы сөз кезегі мектебіміздің директорының уақытша міндетін атқарушы Ирсали Усманович Мадалиевқа беріледі.
Жүргізуші:
Қайырымды жандар айнала,
Ортаға келсін жайлана.
Жалықпастан қайта біз,
Махаббат сөзін айтамыз.
Сүйеміз барлық ананы,
Жүрегім оттай жанады.
Бақыттымыз осы біз,
Қасымызда досымыз.
Ән: «Ана туралы жыр».
Орындайтын: Талибов Мухриддин.
Жүргізуші:
Өмірде ана-бақыт, ана-пана,
Өмірді өркендетер ана ғана.
Өсірген талай шешен, талай көсем,
Талай ер, талай ақын, талай дана.
Барлық асы аналардың құрметіне Ирсалиева Умиданің орындауында «Аяулы анашым» әнін қабыл алыңыздар.
Жүргізуші:
Көркемсөз. «Сендерге аманат бабаларым». Оқитын: Сиддикова Нилуфар
Жүргізуші:
Жақсылықты ақ жүрекпен қабылдап,
Самға биік, жалын атып жүр алда.
Жігеріңмен сеніміңді оттық қып,
Жас қырандай қанат қағып қиянға.
Асқақ арман – үлкен өмір бастауы,
Болашаққа бақыт үнін жолдайды!
Келесі тамашалайтын әндеріңіз Алимова Хажарайның орындауында «Сәлем, саған туған ел» әнін тарту етеміз.
Жүргізуші:
Келесі кезекті мектебіміздің «Көңілді тапқыштар клубының» қызықты әзілдеріне береміз.
Жүргізуші:
Шаршаса да сыр бермеген әкешім,
Сен мен үшін еңбексүйгіш әкесің.
Өзіңде үлгі, ісіңде үлгі балаңа,
Кім сүймейді болса өзіңдей әкесін,-дей келе құрметті әкелерімізге арнап Диярбек Адхамиовтың орындауында «Әкешім әні».
Жүргізуші:
Сымбатына сән киімі жарасатын,
Аспандағы айменен таласатын.
Өнеріне сай келіп тұрғанына,
Бишілерге қызығып таң қаласың.
8 «в» сыныбы оқушыларының орындауында қазіргі заманғы көңілді биге кезек береміз.
Жүргізуші:
Жырымды бүгін арнасам сізге айып па,
Өмірден озған ағаға асыл ғайыпта.
Арыстың әсем жағасындағы арулар,
Жүргендей бүгін ескексіз мініп қайықта
Ән «Арыстың жағасында» орындайтын Сатибалдиев Абрар.
Жүргізуші:
«Ер қанатты – сәйгүлік»,- дегендей келесі кезекті Ирисматов Зафардың орындауында «Сәйгүлік» әніне береміз.
Жүргізуші: Отбасы – алтын ұя, киелі шаңырақ болса, сол шаңырақтың мұрагері, ұрпақ жалғасы балалар болып табылады. Отбасында балалар негізгі тәрбиені ата-анадан алады. Олай болса, баланың басты ұстазы ата-ана.
Жасынан сүйіп өсер балапанын,
Бір саған сенім артар балапаның,
Бір сәтке ұмытармын қиындықты.
Сипаса маңдайымнан алақаның.
Сөз ата – аналар атынан Ниязтаева Гулбахорға беріледі. Ата-аналардың тілектері үйден оқитын 9 сынып оқушысы Сайдахметова Лайлоның орындауында «Алға қазақ жігіттері» әнімен жалғасады, тамашалаңыздар.
Жүргізуші:
Балалар-біздің болашағымыз. «Жақсыдан-шарапат» демекші, бала жүрегінің нәзік лүпілін жаны жайсаң, көңілі шалқар, жүрегі жұмсақ адамдар ғана біледі.
Қымбатты ата-аналар, оқушылар! Осымен бүгінгі өткен «Жақсылыққа жаным жақын...» атты концерттік бағдарламамыз өз мәресіне жетті. Өмірлеріңіз күндей нұрлы да, шуақты болсын. Келесі кездескенше сау болыңыздар!
«Жақсылыққа жаным жақын...» (жеке үйде оқитын оқушыларға арналған концерттік бағдарлама) (15.77 KB)
0
639
2
Нравится
0
