Жақсы ата-ана болу үшін не істеу керек?

Жақсы ата-ана болу үшін не істеу керек?

Ортақ қызығушылықтары бар, бір-бірін құрметтейтін ата-аналар балаларын жиі мақтайды. Мұндай қорытындыны британдық мамандар 5 мыңнан астам отбасын зерттеу барысында анықтады.

Зерттеушілердің пікіріне қарағанда, отбасында түсіністік пен махаббаттың болуы балаға жақсы тәрбие беруге әсер етеді. Ерлі-зайыптылар ұрыс-керістен алыс болып, бір-бірін сыйласа, олар  балаларға дауыс көтермей, керісінше, мақтау жиі айтатын болса, баланың өзіне деген сенімділігі артады.

Ерлі-зайыптылардың көп уақытты бірге өткізуі отбасының беріктігін сақтайды. Сәйкесінше, олар жақсы ата-ана да бола біледі.

Ал ажырасуды жиі ойлап, бір-бірінің жүйкесін жұқарта беретін ерлі-зайыптылар баларына да жиі ұрсады. Бұл баланың тәрбиесіне кері әсерін тигізетіні анық, деп жазады шетелдік БАҚ.