Вусная і пісьмовая формы маўлення. Чытанне, слуханне, гаарэнне і пісьмо

Урок № 2

Беларуская мова

5 клас

Тэма: вусная і пісьмовая форма маўлення. Віды маўленчай дзейнасці: чытанне, слуханне, гаварэнне, пісьмо

Мэты:

• Пазнаёміць вучняў з вуснай і пісьмовай формамі маўлення;

• садзейнічаць знаёмству вучняў з відамі маўленчай дзейнасці, іх задачамі і ўмовамі выкарыстання;

• удасканальваць уменне чытаць тэксты, перадаваць змест вершаванага твора празаічнай мовай, асэнсавана карыстацца інтанацыяй, адрозніваць моўныя сродкі (слова, інтанацыя, націск), правільна і дарэчна карыстацца нормамі маўленчага этыкету пры размове па тэлефоне і ў грамадскіх месцах;

• развіваць уменне пераказваць вучэбны тэкст: асэнсоўваць змест праз вызначэнне тэмы, апорныя словы і словазлучэнні

• выхоўваць любоў да чытання

Абсталяванне: дошка, падручнік

Тып урока: урок камбінаванай будовы

Ход урока

1. Аргмомант

Праверка падрыхтаванасці вучняў да ўрока

1. Праверка дамашняга задання

Пр. 4

Зачытванне паведамленняў.

1. Актуалізацыя апорных ведаў

За доўгі язык не пахваляць. (вучань ля дошкі запісвае)

• Што такое мова?

• Для чаго патрэбна нам мова?

• Ці ўсе валодаюць мовай?

1. Пастаноўка тэмы ўрока

• Давайце зараз падумаем пра сенняшнее надвор’е.

• Паспрабуйце ў парах расказаць пра гэту думку адзін аднаму.

• Што вы зараз зрабілі?(падзяліліся думкамі)

• Паслухайце (запіс мелодыі голасу птушак)

• Што вы зараз рабілі? (слухалі)

• Запішыце сабе ў сшытак сенняшнюю дату і словы “Класная работа”.

• Прачытайце план на дошцы:

Маўленне

Віды маўлення

Маўленчая дзейнасць

Віды маўленчай дзейнасці

• Давайце ўспомнім, што мы рабілі (гаварылі, слухалі, пісалі, чыталі).

• А зараз прачытайце правіла на старонцы 7 і адкажыце па плане на дошцы.

• На якія дзве группы падзяляюцца слуханне, гаварэнне, чытанне і пісьмо?

1. Работа па тэме ўрока

Пр. 7 Прачытайце ўмовы. Прачытайце тэкст

• Што вы можаце сказаць пра бабулю Кацюшы?

• Што нам гавораць яе рукі?

• Чаму Кацюша вырашыла намаляваць бабуліны рукі?

• Ці любіце вы сваіх бабуль?

• Да якой формы маўлення і якога віду маўленчай дзейнасці адносяцца вашы адказы?

Пр. 8 Прачытайце ўмовы

• Якая тэма і мэта гэтага тэксту?

• Ці можа гэты тэкст быць прыкладам і вуснай, і пісьмовай формаў маўлення? Дакажыце гэта.

• Выпішыце сказы, дзе сустракаюцца словы з прапушчанымі літарамі

• Якія сказы будзеце запісваць?

Не ўсе, сэнс, вамі ўловіцца, заўважыце, літаратура, абавязкова, прайграецца ўсім, моцнага

• Як вы разумееце словы слых і ўслых? (слых – гэта адзін з органаў пачуццяў чалавека, услых – чытаць так, каб паведамленне ўспрымалася на слых)

1. Фізкультхвілінка

2. Замацаванне тэмы ўрока

Пр. 10 Паслухайце верш (чытанне настаўніка)

• Перачытайце. Якія словы вам не зразумелыя? (талака - сумесная праца, добраахвотная ў сваёй аснове, узаемадапамога)

• Папрабуйце пераказаць змест вершаванай казкі прозай

• Чым адрозніваецца вершаваная мова ад празаічнай?

Пр. 9 прачытайце

• У якіх прыказках маецца на ўвазе пісьмовая форма маўлення? (6)

• У якіх прыказках маецца на ўвазе вусная форма маўлення? (1, 2, 5)

• У якіх прыказках маецца на ўвазе дзве формы маўлення? (4, 3)

• Як вы разумееце прыказку №6?

• Запішыце яе.

1. Дамашняе заданне

Пр. 11 Напісаць працяг казкі ( 3-4 сказы), параграф 2 вывучыць паняцці.

1. Падвядзенне вынікаў урока. Рэфлексія

• Што такое маўленне?

• Якія віды маўлення бываюць?

• Што такое маўленчая дзейнасць?

• Якія віды маўленчай дзейнасці бываюць?

У вас на партах кветкі. Калі вам на ўроку было лёгка і ўсё зразумела, то пакладзіце кветку ў файл пад сонейкам, калі ў вас увогуле нічога не атрымлівалася і вам было ўсё вельмі складана, то – пад хмаркай, а калі ў вас толькі крыху нешта не атрымалася або было не зразумела, то - пад хмаркай з сонейкам.