Сценарий "Төрлет біздің жаңа жыл"

Ертеңгілік сценариі "Қош келдің - әз Наурыз!"

Жүргізуші: Наурыз тойы, көңіл тойы, көктем тойы,

Жақсылық болса дейтін өмір бойы

Биылда былтырғыдай ақ көбейсін,

Елдегі бақыт байлық бақ көбейсін.

Наурыз құтты болсын ағалар

Наурыз құтты болсын аналарға

Жыл сайын тойлайтын мәңгі бақи,

Наурыз құтты болсын баршамызға!

Міне, көптен күткен Ұлыстың ұлы күні тыныштық пен бейбіт күннің есігін ашып, Наурыз жаңа жыл келіп жетті. Осындай керемет күні екі ауыл тұрғындарының бастарын қосып тойлағалы едік. Өздері кешіккелі жатыр.

(Музыка әуенімен балалар билеп кіріп отырады)

Жүргізуші: Армысыздар Абай ауылының тұрғындары! Амансыздарма Жамбыл ауылының тұрғындары! Басқан қадамдарыңыз оң болсын. Бүгінгі біздің «Елді елең еткізген Наурыз келді көктеммен» атты ертеңгілімізге қош келдіңіздер.

-Балалар, мынау сандықты тарсылдатып тұрған кім екен? Ой Алдар көсе сәлеметсізбе!

Алдар көсе: Сәлеметсіздерме! Наурыз құтты болсын!

Жүргізуші: Сандықтың ішіне қалай тап болдыңыз? Әлде байды алдаймын деп өзіңіз алданып қалдыңызба?

Алдар көсе: Жоқ, жоқ сендерді таң қалдырайын дегенім ғой.

Жүргізуші: Алдар көсе бүгін Наурыз мерекесін тойлап жтырмыз. Біздің мерекемізге екі ауыл тұрғындары келіп отыр, сізде төрлетіңіз мерекені тойлайық.

Жиналдық наурыз тойға бәрімізде

Үлкен кіші жасымыз кәрімізде.

Ән мен күйді жыр мен биді шалқытып,

Өнерлерін інжу маржан шашайық – деп отырып бүгінгі ертеңгілігімізді тақпақтардан бастайық.

Ән: «Әз наурыз»

Алдар көсе: Ей балалар, балалар,Енді маған қараңдар

Наурызды тойлайық, Қызық ойын ойнайық.

- Қане екі ауыл тұрғындарының жігіттерінің күштерін сынап көрейік.

Ойын: «Арқан тарту»

Алдар көсе: Рахмет! Екі ауылдың жігіттерінің күштері мықты екен. Енді мен барып басқа ауыл тұрғындарын құттықтауға барайын. Қош сау болыңыздар.

Жүргізуші: Ертеңгілігімізді тақпақтармен жалғастырайық.

Жүргізуші: Наурыз тойында өнерлі адамдар өз өнерлерін көрсетеді. Міне біздің арамызда да өнерлі ақындарымыз бар екен. Жамбыл ауылынан келген Амира атты ақынымыз бен Абай ауылынан келіп отырған Адилжан ақындарымызды қошеметпен қарсы алайық.

Айтыс:

Екі ақын: Оу, халайық, халайық,

Әсем әнге салайық.

Наурыз тойын көңілді

Бірге қарсы алайық.

Амира:Айтысуға өзіңмен,

Шығып тұрмын алдыңа.

Айсары ауылынан келген,

Амира ақын мен болам.

Адилжан:Меніменен айтысар

Балтылдығың бар екен.

Таныстырсам өзімді,

Аділжан ақын мен болам.

Екі ақын: Ұлы наурыз бәріңді,

Татулыққа шақырған.

Тоқтатпасақ айтысты,

Сөз қалған ба ақыннан.

Жүргізуші: Екі ауылдың ақыны бүгінгі айтыста жақсы айтысты. Рахмет сіздерге!

(Музыка залына әже кіреді)

Әже: Сәлеметсіздерме! Ұлыстың ұлы күні құтты болсын! (Шашу шашады)Жүргізуші: Сәлеметсізбе әже! Біздің мерекемізге қош келдіңіз, төрлетіңіз үстел басына жайғасып отырыңыз.

Әже: «Бесікке салу» рәсімін көрсетті

Жүргізуші: Өлең сөздің патшасы ән сарасы,

Елдің көңілін көтерер ел данасы.

Тілге жеңіл жүрекке жылы тиіп,

Назар қойып тыңдаңдар ән жолдауын.

Ән: «Наурызым мерекем»

Жүргізуші: Балалар наурыздың ең басты тағамы қандай тағам?

- Наурыз көже неше түрлі дәмнен жасалады? Ендеше наурыз көженің қалай дайындалатынын ортаға шығып Елдана айтып береді.

Елдана: 7 деген сан киелі сан. Қазақ киелікке ырымшылыққа аса мән берген. Наурыз көже жет түрлі дәмнен жасалады: оған қойдың басы, сүт, езілген малта құрт, бидай немесе тары, күріш сияқты дақылдар қосады.

Жүргізуші: Рахмет сағанЕлдана, енді наурыз көженің қалай дайындалатынын білдік.

Ән: «Наурызым»

Жүргізуші: Міне балалар біз сендермен ойын ойнадық, би биледік ән де айттық мерекеміз аяқталып жатыр. Ендеше ақжаулықты әжемізден бата сұрайық.

Әже: Ұлыс оң болсын,

Ақ мол болсын.

Қайда барса жол болсын,

Ұлыс бақты болсын,

Төрт түлік ақты болсын.

Ұлыс береке әкелсін,

Бәле-жала жерге енсін!

Жүргізуші: Жаңғыртқан дәстүрімді рахмет елім,

Тербетсін шаттық ән қазақ жерін.

Той бастаған қадамын құтты болсын,

Жалғайтын дәстүрімді байтақ елім.

Ұлыстың ұлы күні құтты болсын,

Денеміз сау, мықты болсын.

Еліміздің несібесі көп болсын,

Дәстүрлі наурыз тойы құтты болсын!

Бекітемін: Келісемін:

«Ақбота» бөбектер «Ақбота» бөбектер

бақшасының меңгерушісі: бақшасының әдіскері:

Б.І.Байбусинова А.Б.Мусапова

«Наурыз –Көктем!»

Ортаңғы «Көбелектер» тобы

Тәрбиешілер:Ж.М.Шарипбекова

Қ.Қ.Утеубаева

2016-2017оқу жылы