Конспект урока по родной литературе в 4 классе по теме: "Омарла Батырай-отец даргинской поэзии"

МИНИСТЕРСТВО ОБРАЗОВАНИЯ И НАУКИ РД

МУНИЦИПАЛЬНОЕ КАЗЕННОЕ ОБЩЕОБРАЗОВАТЕЛЬНОЕ УЧРЕЖДЕНИЕ

СРЕДНЯЯ ОБЩЕОБРАЗОВАТЕЛЬНАЯ ШКОЛА № 1

Дураберкlиб :

учитель родного языка

Магомедова З.М.

Дарсла мурадуни :

1. Батирайличила гьаларти классуназир делчIунти гьандикахъни.

2. Батирайла далуйтала хасдешлумачила бучIантази аргъахъни.

3. Халкьла мухIлила произведениебачил Батирайла далуйтала бархбас.

4. Даргала мезличи ва литератураличи дурхIнала диги акIахъни.

Даргала поэзияла дудеш Гlямарла Батирай акlубси сай 1817-ибил дуслизив Сергокъалала района Х[урехъила шилизив. Батирайла нешлис Шамай бикlи дудешлис Гlямар. Батирай виштlали левай чугурра бяхъили жагали далайикlуси вири. Далуйтира сунени цаладирхъути вири. Батирай далайикlи гlямруличила, гlяхlгъабзачила, илини сунела далуйтазиб балтlули вири давлачебти.

Ученик 1:

Хlурехъила хала шав

Акlуб бикlар,далайчи

Ахlерхlедиру ,бикlар

Чехьерта илис чурми

Шанданна гимас кьадин

Диршахъес чугурличи,

Цlуб игlяйла пикрумар

Арълар дерхъиб гьайкlуртар.

Сценка «Имя»

Ученик 2:

Вай замана акlади,

Ва Батирай урибси,

Гьарил гlяхlси далайлис

Гlякlалис унц лугьуси.

Замана декlарси саб

Ну далуйта учlуси,

Леб биалла уркlилаб

Хlелайчибра рурцlуси

Унц гьар гlяхlси далайлис

Хlелугьалра савгъатлис

Ахlен гьанна лугьули

Ца гlяргlялра гlякlалис.

Ученик 3:

Батирай делчlунси адам ахlен. Илини уркlиличиб далай цалабирхъи, бяхъилили чугурра сайра далайикlи. Батирайла замана Хlурхъила шилизир бекlдеш давлачебтазир дири. Далай белчlахъес валтуси ахlенри, гlякlалис унц лугьусири. Батирайли сай хlерируси замана, сунела ва зилантала гlямру цlакьли дуриб ва чедаахъиб сунела далуйтазир.

Ученик 4:

Гьай, хlула вагl верхlна ибкl

Тамашала дунъя либ

Цабахlтас майдан дунъя

Ургуба гурдалисъон

Цабахlтас - хlяйран дунъя

Къярдла лутlи къаплайсъон

Ва хlула верхlна вагlибш

Вайна дунъя либкьалли

Някълар къарчигъа гушли

Дугули хъулга къямма диъ.

Ученик 5:

Гьачам Батирай сунела Бяжлукивси гlяхlял Гъазичи шадив вакlиб. Гъази мекъличив уили Батирай ила живариб. Батирайни делчlунти далуйти гlяхlдизурли Гъазини илис гоза тяй пешкешбариб. Илад чарухъи лявкьухlели Батирай гьаввакlибсири Махlаргила шилизи. Баягъи ил гоза тяй саби поэмализиб гьанбуршуси Минатла Бяхlяндлис илини барсбарибси балала чlянкlара кьяц-мук бугъара шол къуруш арцлара сасили.

Сценка:

Батирай:

- Асаламу гlялайкум гьалмагъ Минатла Бяхlянд.

Бяхlянд:

- Вагlялайкум асалам ва Гlямарла Батирай.

Батирай:

- Ахlисуду гоза тяй сабиго гlяхlти жинсла?

Бяхlянд:

- Гоза тяйра исусну шивухъин хьурабакьа ва Гlямарла Батирай.

Бяхlянд:

- Ца далай ахlбучlаду хlула жагол тlамали ва Гlямарла Батирай?

Батирай:

- Далай хlула мучаллис, деза деб набадурас.

Вачалли дураухъин, гисилалла си либа?

Бяхlянд:

- Кьяцмук бугъа унцра либ ца шол кьуруш арцлара.

Кел бала чlянкlара лир.

(Бякьили вачар Гlямарла Батирай хъуливяхlли ватихьиб)

Минатла Патlима: Ва Батирай, Батирай

Хlуни гибил гоза тяй хlял башани буули

Хъа гьала хьабяхъябил къадани гирхьабухъуй

Нушила бибкlилину гlилавяхlли чарухъин

Ва Гlямарла Батирай!

Батирай: Ва Минатла Патlима

Бимжуллеркьял гамушли дарг гьарасаб хlулану

Гlур нуни сибякьиша!

Гьай гlяйиб дила къуруш гlур лугахlа дикlули

Хlушашиб убхьалъунил.

Ученик 6:

Къийин дибил мусанир

Азирличу дяв дикьул

Алмас дархил мисри тур

Хьадуцили някълизи.

Ца мургьила, ца арцла

Дилкойши някъликуни

Ламус дакlиб мусанир

Даршличу гъавгъа дикьул

Къаш мургье къирим мажар

Дуцили цугдайнирад,

Цlудар булгъалла чакма

Дицlайши хlинтlин хlили

Ученик 7:

Къяба даргозивадси Гlяллай бикlуси даргай сунес деза барнилис Батирайс сур-кьапlа пешкешбарили саби. Хъули чарухъуи гумайзи дураухъунхlели жагьилти тиладибикlули илизи далай белчlун Батирайни. Къадагъа буири или арбухили саби илала кьапlа гlякlалис. Ил хабар бакьили Гlяллайни илис цархlил кьапlа бархьили сай.

Ученик 8:

Ахъил хъалчла бехlличи

Тlашизурли делчlунти

Гlямарла Батирайла

Бебкlаагар далуйти

Нушала дурхlнанира

Ахъли дучlули сари

Жагlял наслубачира

Илди диути сари

Гlяхlна гъабзас делчlунти

Батирайла далуйти

Жагьил кьамла уркlбазир

Даим мицlирли сари.