Էլեկտրոնային փոստին առնչվելու անվտանգությունը և էթիկան

ԷԼԵԿՏՐՈՆԱՅԻՆ ՓՈՍՏԻՆ ԱՌՆՉՎԵԼՈՒ ԱՆՎՏԱՆԳՈՒԹՅՈՒՆԸ ԵՎ ԷԹԻԿԱՆ

.

• Հաղորդակցման բոլոր ձևերի նման էլեկտրոնային փոստը ևս ունի էթիկայի ավանդություններ ու կանոններ։ Ծանոթանանք էլեկտրոնային փոստին առնչվելու անվտանգության և էթիկայի ստորև բերված նորմերին ։

1․ Հաղորդագրությունն դյուրընթեռնելի դարձնելու համար այն տրոհեք առանձին պարբերությունների և կարճ նախադասություններ օգտագործեք՝ արտահայտելով նյութի բուն էությունը։

.

2․ Էլեկտրոնային փոստով հաղորդակցվելիս աշխատեք ձեզ արժանավայել դրսևորել։ Հետևեք ուղղագրության և քերականության կանոններին:

.

3․ Հաղորդագրությունը չի կարելի «հեղեղել» ընդհանուր, ոչինչ չասող արտահայտություններով։

.

4․ Հաղորդագրության տեքստում մեծատառ կիրառեք միայն կարևոր ինֆորմացիա ընդգծելու նպատակով։ Ամբողջ տեքստը մեծատառերով գրելու դեպքում այն բարդ և հոգնեցուցիչ է դառնում։

.

5․ Ստորագրեք ձեր կողմից առաքված հաղորդագրության տակ, որը հիմնական նամակից պետք է առանձնացվի դատարկ տողում։ Օրինակ՝ Հարգանքներով՝ Դավիթ Մնացականյան։ [email protected]

.

6․ Լրացրեք հաղորդագրության թեմա դաշտը, քանի որ շատերը համակարգչային վիրուսից վախենալով՝ առանց թեմայի կամ կասկածելի թեմայով հաղորդագրությունները չեն բացում։

.

7․ Փորձեք հստակ ձևակերպել հաղորդագրության թեման։ Ձգտեք մեկ արտահայտությամբ շարադրել հաղորդագրության թեման։

.

8․ Միևնույն հաղորդագրությունը միաժամանակ շատերին մի ուղարկեք, քանի որ այն կհամարեն վիրուսակիր և ձեր հասցեն կգրանցեն ոչ ցանկալի հասցեատերերի «սև ցուցակում»։

.

9․ Նախքան հաղորդագրությանը ծավալուն ֆայլ կցելն ու առաքելը՝ այն արխիվացրեք։

.

10․ Էլեկտրոնային փոստով հաղորդակցվելիս սիրալիր և բարեկիրթ եղեք, որպեսզի հաղորդակցից նույն վերաբերմունքը ստանաք։

11 ․ Չմոռանաք, որ էլեկտրոնային փոստի միջոցով դուք, ի վերջո, շփվում եք մարդու հետ և նրան էլեկտրոնային ուղերձ առաքելիս աշխատեք չվիրավորել։

12․ Հաղորդագրության մեջ ներառված հումորը կարող է ճիշտ չընկալվել, քանի որ այս դեպքում դիմացինը չի տեսնում կատակողի դեմքն ու չի լսում ձայներանգի ուրախ նոտաները։

13․ Էլեկտրոնային հաղորդակցման առավելություններից մեկն ինֆորմացիայի ակնթարթային փոխանցումն է։ Հաղորդագրություն առաքողները ձեզանից սպասում են նույնքան արագ պատասխան։

․

14․ Մի բացեք այն հաղորդագրությունը, որը ստացել եք վստահություն չներշնչող անձից։

․

Սահիկահանդեսը պատրաստեց Արմաշի միջնակարգ դպրոցի 8-րդ դասարանի աշակերտուհի Անետա Ալեքսանյանը

․