«Астана Опера» Мемлекеттік опера және балет театры

Сабақ №66/10

Сабақтың тақырыбы: «Астана Опера» Мемлекеттік опера және балет театры.

Мұғалімнің аты-жөні:Аканбаева А.Т.

Күні: 10.12.18

СЫНЫП: 5

Қатысқан оқушылар саны:

Қатыспаған оқушылар саны:

Сабақ негізделген оқу мақсаттары

6.1.6.1 – тыңдалым материалдарының мазмұны негізінде шынайы өмірмен байланыстырып жауап беру.

6.3.3.1 - орта көлемді шығармаларды түсіну, тақырыбы мен негізгі ойды анықтау.

Сабақ нәтижесі:

Тақырыпқа қатысты ақпарат береді, ауызша сұрақтарға жауап береді.

Тақырып аясында ойын айтады, сынаптастарымен тілдеседі.

Тақырыпқа қатысты кластер құрайды.

Бағалау критерийі

Сұраққа жауап береді, жауаптарын дәлелдейді. Жұптық, топтық тапсырмаларды орындай алады. Сабақ барысында тыңдаушының назарын өзіне аудара алады.

Тілдік құзіреттілік

Сөз, сөйлеу мәдениеті, тіл байлығы, ана тілі, тілдік құзіреттілік,

сөз құдіреті, жанрлар.

Ресурстар

Интерактивті тақта, бейне материал, суреттер.

Әдіс-тәсілдер

Түсіндіру, сұрақ-жауап, жұптық жұмыс, топтық жұмыс, «Дұрыс, дұрыс емес» ойыны, “Бас бармақ» әдісі.

Пәнаралық байланыс

Өнер

Алдыңғы оқу

Өткен тақырыпты пысықтау

Сабақтың жоспары

Жоспарланған уақыт

Сабақ барысы :

Ресурстар

Сабақтың басы

Сәлемдесу, түгендеу.

Психологиялық ахуал туғызу.

Оқушылар бір-біріне жақсы тілектер айтады.

Сәттілік біздер тілейік,

Мен саған, сен маған.

Күндей күліп жүрейік,

Күннің нұрын төгейік,

Мен саған, сен маған.

Сабақтың ортасы

Өткенді қайталау. Өткен тақырыпта өткен мәліметтерді қайталап, еске түсіру.

Үй тапсырмасын тексеру. (шығармашылық тапсырма)

1-топ : Астана Жастар театры туралы мәлімет беру.

2-топ : Қалибек Қуанышбаев атындағы қазақ мемлекеттік академиялық музыкалық драма театры  туралы мәлімет беру.

3-топ: Елордалық «Қуыршақ театры туралы мәлімет беру.

(Оқушылар бір-бірлерін мұқият тыңдап, бас бармақ әдісі бойынша бір-бірлерін бағалайды.)

Қызығушылықты ояту.

Сабаққа деген қызығушылықтарын ояту мақсатында тақырыпқа қатысты бейнеролик , слайдтар көрсету.

Бейнеролик, слайдтар

Тыңдалым. Мәтінді мұқият тыңдау.

«Астана Опера» мемлекеттік опера және балет театры Қазақстан Республикасының Президенті Нұрсұлтан Назарбаевтың 

бастамасымен 2013 жылы ашылды. «Астана Опера» залына 1250 көрермен сияды. «Астана Операның» бас сахнасының көлемі – 935 шаршы метр. Бас сахнаның ені 21 метрді, ал тереңдігі – 59 метрді құрайды. Театр шымылдығын тұңғыш түру құрметі Мұқан Төлебаевтың «Біржан – Сара» спектакліне берілді.

Жұптық жұмыс

Семантикалық карта

(Жұптар парақшаларымен алмасып, бірін-бірі тексереді)

Оқылым.Айтылым.

Топтық жұмыс

1.Мәтінді мұқият оқу.

2.Мәтінге тақырып қою.

3.Мәтін бойынша сұрақтар құрастыру.

4.Мәтін бойынша кластер құрастыру.

Айтылым.

“Дұрыс, дұрыс емес” ойыны. Ойынға әр топтан 1 оқушы қатысады.  Ортаға бос екі орындық қояды.  Бір орындық «дұрыс» дегенді білдірсе, екінші орындық «дұрыс емес» дегенді  білдіреді. Мұғалім жазылған ой-тұжырымды оқиды. Бұл тұжырымды дұрыс деп санаса, олар тез барып «дұрыс» орындығына отыруы тиіс.   «Дұрыс емес» деп санаса, соған сәйкес белгіленген орындыққа отырады. Қайсысы бірінші барып отырса және жауапты дұрыс тапса, сол жеңімпаз болады.

Жазылым.

1-топ

Көрермен сөзін жіктеңдер.

2-топ

Театр сөзін тәуелдеңдер.

3-топ

Опера сөзін септеңдер.

“Дұрыс, дұрыс емес” ойыны

Сабақтың соңы

Үй тапсырмасы: “Астана опера ” театры туралы

диалог құрастыру.

Бағалау

Формативтік бағалау.

Әр тапсырмадан соң, дұрыс орындаған топқа «Астана опера» театрына билет беріледі.

Сабақ соңында әр топ мүшелері топта белсенді, жақсы жұмыс істеген оқушыға жұлдызша береді.

Рефлексия

«Бас бармақ» тәсілі